From the recording Taskeen-e-Rooh-o-Dil

Lyrics

Kaun hey ey sarwar-e-deen terey jesa kaun hey
Juz terey shamsuduha kee shan wala kaun hey

Yeh to hein aaqa tumharay naam hee ke barkatain
Ham faqeeron ko wagarna bheek deta kaun hey

Tu kareemain do jahan hey mein faqeer-e-na tawan
tuj sa daata kaun hey aur muj sa mangta kaun hey

Sadqa apnay laadlon ka aik rehmat kee nazar
Rehmaton wale nabi mera sahara kaun hey

Laaj wale laaj rakna tera kehlata hoon mein
Muj sey bekas benawa mangtay ka daata kaun hey

Haath sey daman na chootay mustafa kee aal ka
Is gharanain kay ilawa mera tera kaun hey

Yaad kar zaahid makaan sey la-makaan ka wo safar
Kis ka dam sidra pey ttoota agay pohncha kaun hey

Panjtan ka naam leva hoon koi mujrim naheen
Dunya walo un say aala un say acha kaun hey

Naam leva hoon nabi ka aur nabi kee aal ka
Koi batlaeye niazi muj se acha kaun hey